Краток опис на проектот
Тимот на Мембранинг со проектирањето и изведбата на мембранската конструкција на платото на Трговскиот центар “Стаклена зграда” ja изведи двојната конусна мембранска конструкција со инсталирање на посебен материла Тип 3 – 1200гр/м2, со што уште еднаш ги потврди можностите на мембранските конструкции како дел од современата архитектура во светот.
Постоечката мембранска к-ја на локацијата на платото на Стаклената зграда во Битола беше монтирана во 90те години и истата претставуваше павиљонско решение со 4 конуси со ободна кабловска конструкција со високи и ниски точки.
Проектирањето на новопроектирана мембранска конструкција претставуваше предизвик да се испроектира архитектонтско решение кое ќе биде препознатливо со ободната крива која ќе ја потенцира страничната контура на мембранската к-ја и брановидната форма на двојната конусна мембрана. Ободната конструкција е подигната на ниво 2.25м од нултото ниво и со тоа е добиена маскимална транспарентност према плоштадот “Магнолија”. Постигната е и максимална искористеност и функционалност на просторот , но и во исто време е исполнета проектната задача мембранската конструкција да биде во функција на објекот Трговски центар “Стаклена Зграда”.
Конструкцијата на двојната конусна мембранска конструкција се состои од два централни цевасти столбови и периферна челична крива ободна греда која е ослонета на конзолните носачи од периферните столбови. Централните столбови се урамнотежени со челични кабли-затеги помеѓу самите столбови и краевите на ободната конструкција.
