Балонските конструкции се користат за покривање на спортски терени за фудбал, тенис, кошарка, ракомет и др. Постојат два типа на балонски конструкции, балони со конструкција и пенуматски хали. Балоните со конструкција се карактеристични по главните лачни челични или дрвени рамки кои го покриваат попречниот распон, а во подолжен правец се укрутени со подолжна конструкција (греди, рожници, спрегови). Мембраната, која се користи како покривен материјал, се затега на челичната конструкција и со тоа се дефинира надворешната лачна форма на балоните. Постојат опции на бочно отварање, како и греење, осветлување и останати пропратни позиции на балонот. Пнеуматските хали се изведуваат без конструкција и се одржуваат со посебен систем кој ја одржува формата и мембраната под притисок. Кај овие мембрани се изведуваат и двојни мембрани за дополнителна изолација на халата и постои посебен систем за греење кој постојано ја одржува корисната температура во халата.