Магацинските хали можат да бидат покриени со мембранска конструкција. Халите со конструкција се карактеристични по главните лачни челични решеткасти рамки кои  го покриваат попречниот распон, а во подолжен правец се укрутени со подолжна конструкција (греди, рожници, спрегови). Мембраната, која се користи како покривен материјал, се затега на челичната конструкција и со тоа се дефинира надворешната лачна или рамовска форма на халите. Постојат опции на влезни клизни PVC врати, бочно отварање, како и греење, осветлување и останати пропратни позиции на халите.